Palvari është një lagje e qytetit të Koplikut e cila vuan mungesën e infrastrukturës rrugore prej vitesh. Dhjetëra banorë në këtë zonë përballen çdo ditë me vështirësitë e qarkullimit mes pluhurit dhe gropave në të gjithë gjatësinë e lagjes.
Sipas tyre institucionet përgjegjëse nuk kanë marrë asnjë masë për përmirësimin e gjendjes në të cilën ndodhen rrugët e kësaj lagje.
Një problematikë e tillë nuk ka gjetur zgjidhje edhe pse banorët kanë bërë disa herë apel për ndihmë në drejtim të bashkisë së Malësisë së Madhe. Faktikisht, ky nuk është I vetmi fshat me një problematikë të tillë në qytetin e Koplikut.