PD dhe LSI janë bërë bashkë edhe në Konferencën e Kryetarëve duke shpallur bojkotimin e opozitës në punimet projekt-buxheti i vitit 2018.
“Kjo maxhorancë ka rënë, ne nuk do të marrim pjesë në shqyrtimin e projektbuxhetit të vitit 2018. Të krijohen kushtet për zgjedhje”, deklaroi deputeti i PD, Edmond Spaho, para se deputetët e PD dhe të LSI të largoheshin nga Konferenca e Kryetarëve, ku ndodhej edhe ministri Ahmetaj.
Pas këtij vendimi të opozitës ka reaguar kreu i Grupit Parlamentar të Partisë Socialiste, Taulant Balla që deklaroi se nuk i vjen keq për PD-në për këtë vendim, por për LSI-në që ndjek nga pas.
