Zyrtarët e Bashkisë Shkodër në kuadrin e institucionit menaxherial për Klubin e Futbollit Vllaznia kanë zgjedhur të mos tregojnë shumë detaje sa i përket procesit të privatizimit.
E pyetur nga mediat, kryebashkiakja e Shkodrës Voltana Ademi pranon se bashkia do t’a privatizojë Vllazninë, megjithëse deri atëherë duhet kohë, të cilën bashkia akoma nuk e ka përcaktuar. Pas problemeve të shumta në kampin kuqeblu, Bashkia Shkodër ka lajmëruar se do të nisë privatizimi i Vllaznisë. Megjithatë, akoma nuk ka një datë konkrete se kur do të nisë pranimi dhe më pas shqyrtimi i ofertave për Vllazninë.
