Franca ka ngritur në një nivel “të lartë”, gjendjen e alarmit për gripin e shpendëve.
Në vendimin e publikuar në Gazetën Zyrtare thuhet se shpendët në Francë duhet të vendosen në karantinë për shkak të përkeqësimit të situatës së gripit të shpendëve në Evropë.
Në njoftimin e Ministrisë së Bujqësisë thuhet se në Evropë që nga fillimi i vitit janë zbuluar rreth 130 raste të gripit të shpendëve, prandaj dhe gjendja e alarmit është dashur të ngrihet në një nivel “të lartë”.
Në njoftim theksohet se janë marrë masat e nevojshme për shpendët.
Që nga 10 shtatori, gjendja e alarmit për gripin e shpendëve në Francë u rrit nga “i parëndësishëm” në “i moderuar”.
Kujtojmë se vitin e kaluar, nga nëntori deri në maj në Francë u regjistruan më shumë se 500 raste të gripit të shpendëve dhe u detyruan të asgjësojnë 3.5 milionë shpendë.
