Prej 30 vitesh, qindra familje në rrugën “Selim Gjyrezi” në qytetin e Shkodrës vuajnë mungesën e infrastrukturës rrugore. Për ironi të fatit, edhe investimi që filloi pak muaj më parë u la përgjysëm nga bashkia Shkodër, pasi u asfaltuan rreth 100 metër rrugë. Banorët atje tregojnë se punimet filluan që para fushatës zgjedhore, të cilat më pas u lanë përgjysëm duke bërë që banorët të kenë sërish vështirësi në lëvizje.
Kjo zonë është tejet e banuar në këto 30 vite, ndërkohë që pavarësisht thirrjes së tyre për investime në infrastrukturën rrugore, ende nuk kanë marrë shërbimet më të thjeshta nga bashkia Shkodër ndër vite.
