” Të mundësojë hapjen e negociatave për Shqipërinë dhe Maqedoninë e Veriut” kështu është shprehur në Forumin Strategjik i Bled-it, (Slloveni), i ngarkuari i posaçëm i SHBA-së për Ballkanin Perëndimor, Matthew Palmer.
Ai ka rikonfirmuar edhe njëherë mbështetjen e plotë të SHBA-ve për çeljen e negociatave të Shqipërisë dhe Maqedonisë së Veriut me BE-në.
Sipas Palmer në fjalën që ai mbajti në këtë forum janë tre pika ku duhet të fokusohen: 1) Të mundësojë hapjen e negociatave për Shqipërinë dhe Maqedoninë e Veriut; 2) Të mundësoje dialogun Serbi- Kosovë dhe gjetjen e zgjidhjeve për problematikat kryesore; dhe 3) Bosnja dhe Herzegovina të bëhet një shtet funksional.
Tematika e këtij forumi është ’Ballkani Perëndimor – Evropianizimi, Demokratizimi’. Në këtë forum u tha se historia e BE-së dhe Ballkanit Perëndimor nuk duhet të jetë një nga mundësitë e humbura, ndryshimi dhe paqëndrueshmërie të rrethanave, apo ciklet e vazhdueshme zgjedhore dhe premtimet e prishura.
“Marrëdhëniet midis rajonit dhe BE-së nuk duhet të mbahen mbrapa ose të rrjedhin në qarqe ndërsa bota po ecën përpara.”
Në këtë forum po merr pjesë edhe Sekretarja e Përgjithshme e Këshillit të Bashkëpunimit Rajonal, Majlinda Bregu.
Vitet e fundit është folur shumë pse USA nuk është prezent në Ballkan dhe nuk e ka me shumë në fokus. Pikërisht për këtë arsye për të qenë prezent më shumë në rajon, dhe duke takuar me shume drejtuesit e rajonit, synimet kryesore të punës janë:
Të mundësojë hapjen e negociatave për Shqipërinë dhe Maqedoninë e Veriut;
Të mundësoje dialogun Serbi- Kosovë dhe gjetjen e zgjidhjeve për problematikat kryesore;
Bosnja dhe Herzegovina të bëhet një shtet funksional.
Por çfarë është Forumi i ‘Bled’?
Pas më shumë se një dekade të mbledhjeve vjetore, Forumi Strategjik Bled ka evoluar në konferenca ndërkombëtare udhëheqëse në Evropën Qendrore dhe Jug-Lindore, duke bashkuar një grup të larmishëm pjesëmarrësish, krerët e shteteve dhe qeverive, ministrat, diplomatët, biznesmenët, studiuesit dhe ekspertë, të rinj dhe media nga e gjithë bota.
Forumi përqendrohet në përfshirjen e pjesëmarrësve në diskutime, dhe gjetjen nga zgjidhjet kryesore, për sfidat imponuese rajonale dhe globale. Për më tepër, siguron një mundësi të shkëlqyeshme për takime të përshtatura dypalëshe dhe shumëpalëshe dhe krijimin e rrjeteve me aktorë të shquar rajonalë dhe globalë nga sferat e diplomacisë, politikës, biznesit, shkencës dhe inovacionit.
