Mbledhja e këshillit bashkiak të Shkodrës ka dështuar. E parashikuar të zhvillohej në orën 11:00 nuk u realizua për shkak se nuk u plotësua kourumi prej 26 këshilltarësh nga 51 që janë në total.
Kjo sjellje e këshilltarëve të papërgjegjshëm është më shumë se e turpshme duke qenë se tashmë përsëritet për të disatën herë. Në këtë mbledhje një prej pikave që ishte për miratim ka të bëjë me ndihmën ekonomike. Disa prej këshilltarëve e quajtën skandaloze mosardhjen e kolegëve të tyre.
Moszhvillimi i mbledhjes së këshillit bashkiak vjen edhe si shkak i orarit të papërshtatshëm.
Tashmë moszhvillimi i mbledhjeve të këshillit bashkiak është kthyer në një komedi por komedi e zezë. Qytetarët kanë votuar që të përfaqësohen në këshillin bashkiak por ata që morën votën mendojnë vetëm për interesat personale duke harruar detyrimin publik që kanë.
