Bashkia e Shkodrës zgjidh për një afat shumëvjeçar problemin e varrezave publike
Mungesa e hapësirës në varrezat publike të qytetit të Shkodrës, ka qenë një nga shqetesimet e komunitetit dhe të Bashkisë së Shkodrës.
Sot mund të themi se ky problem ka marrë zgjidhje për një afat shumëvjeçar.
Bashkia e Shkodrës i ka nisur proçedurat prej mëse dy vitesh e gjysmë, por vetëm këto ditë qeveria miratoi shpronësimet e nevojshme për tokën e varrezave publike.
Janë 35.000 metër katror ku tashmë ka nisur puna, e cila do të përfundojë bashkë me muajin shtator.
Investimi për sistemimin dhe ndërhyrjet e nevojshme kap vlerën e 11.000.000 lekëve, ndërsa vlera e shpronësimeve që mbulohet nga buxheti i Bashkisë së Shkodrës arrin në 10.000.000 lekë.
