Shqiptari humbet jetën natën e Pashkëve
Një shqiptar ka humbur jetën në Itali në një aksident tragjik natën e Pashkëve. Mediat italiane raportojnë se viktima është Dorian Alikollari 30 vjeç, i cili jeton në Udine bashkë me familjen e tij. Kanë qenë kalimtarët që njoftuan policinë e mbrëmjen e Pashkëve rreth orës 22:50, kur panë në anë të rrugës një makinë të përplasur me pemën. Alikollari kishte humbur kontrollin e makinës së tij Volkswagen Golf dhe ishte përplasur me pemën. Ai kishte pësuar dëmtime të mëdha dhe për pasojë kishte humbur jetën menjëherë.
