Ministrja e Shëndetësisë dhe Mirëqenies Sociale, Klodiana Spahiu, ka vizituar Shtëpinë e të Moshuarve në Shkodër, ku në fokus të takimit ishte përmirësimi dhe zgjerimi i shërbimeve shëndetësore e sociale për këtë kategori. Gjatë vizitës, ministrja u njoh nga afër me shërbimet që ofrohen në këtë institucion të Shërbimit Social Shtetëror, ku të moshuarit përfitojnë kujdes shëndetësor e social, fizioterapi, shërbime dentare dhe kontrolle periodike.
Spahiu theksoirëndësinë e ndërhyrjes së shërbimeve sociale për personat e moshuar që jetojnë vetëm dhe nuk kanë mbështetje familjare. Sipas saj, identifikimi i këtyre rasteve duhet të pasohet nga veprime konkrete, në mënyrë që askush të mos mbetet pa ndihmën e nevojshme. Duke iu referuar kërkesave të shumta për mbështetje sociale, Spahiu nënvizoi nevojën për forcimin e shërbimeve në komunitet dhe gjetjen e zgjidhjeve konkrete për
Krahas kujdesit rezidencial, ministrja vuri në dukje rëndësinë e zhvillimit të formave alternative të përkujdesjes për të moshuarit që kanë nevojë për mbështetje, por që mund të vijojnë të jetojnë në banesat e tyre. Qëllimi është garantimi i një shërbimi të vazhdueshëm për personat më të cenueshëm. Shtëpia e të Moshuarve në Shkodër ofron shërbime rezidenciale që prej vitit 1994. Institucioni iu nënshtrua rikonstruksionit në vitin 2018, duke përmirësuar kushtet dhe mjediset për përkujdesjen ndaj të moshuarve.
