Policia spanjolle ka konfiskuar një sasi rekord të kokainës, duke gjetur një sasi prej 9 ton drogë të fshehur midis kutive të bananeve në një kontenier anijeve në portin jugor të Algeciras, tha të mërkurën zyra doganore.
Kontenieri me banane u importua nga një kompani kolumbiane, ndërsa anija vinte nga porti i Turbos në Kolumbi.
Sasia e kokainës ishte më e madhja e gjetur ndonjëherë në një kontenjer të vetëm të transportit në Evropë, thotë dogana spanjolle cituar nga Reuters.
Gjashtë persona u arrestuan në lidhje me gjetjen. Dy u arrestuan në Lyon, Francë, një në Algeciras dhe tre në Malaga.
Operacioni ndjek një goditje të trafikut në dhjetor ku u kapën 6 ton kokainë në të njëjtin port, që është njëkohësisht porti më i madh i Mesdheut. Droga besohej të shpërndahej nëpërmjet firmave në Evropë ose në Lindjen e Mesme.
Trafiku i drogës me kontenierë është rritur ndjeshëm vitet e fundit, duke u gjashtëfishuar midis vitit 2006 dhe 2016, sipas Qendrës Evropiane të Monitorimit për Drogën dhe Varësinë nga Drogat.
Bananet mbeten një produkt veçanërisht popullor, të cilat përdoren për të fshehur kokainën.
