Ish-presidenti i Shteteve të Bashkuara të Amerikës, Donald Trump, i ka konsideruar “gjeniale” urdhrat e Vladimir Putinit për dërgimin e trupave në Ukrainë. Duke u paraqitur në një emision radiofonik të krahut të djathtë, Trump u pyet për përgjigjen e presidentit Biden ndaj dërgimit të forcave ushtarake të Putinit në Ukrainë, shkruan BBC.
“Unë hyra dje dhe aty ishte një ekran televiziv dhe thashë: ‘Ky është gjenialitet’”, tha Trump.
“Putini deklaron një pjesë të madhe të Ukrainës si të pavarur. Oh, kjo është e mrekullueshme. Pra, Putini tani po thotë: ‘Është e pavarur’, një pjesë e madhe e Ukrainës”.
“Unë thashë, ‘Sa i zgjuar është?’ Dhe ai do të hyjë dhe do të jetë një paqeruajtës. Kjo është forca më e fortë e paqes… Ne mund ta përdorim atë në kufirin tonë jugor”.
“Duhet të thuash se është shumë e zgjuar. Dhe e dini cila ishte përgjigja nga Biden? Nuk pati asnjë përgjigje”.
