Qeveria turke njoftoi në një deklaratë se “gjithsej 2,824 ndërtesa të shembura janë raportuar deri më tani” për shkak të tërmetit jashtëzakonisht të dhunshëm që goditi zonat midis Turqisë dhe Sirisë. Deri tani numri i të vdekurve është 1800 dhe mijëra të plagosurur.
Tërmeti 7.8 ballë që goditi Turqinë mbrëmë ishte fatkeqësia më e madhe e regjistruar në vend që nga viti 1939, tha sot presidenti turk Rexhep Tajip Erdogan.
Sipas njoftimeve të mediave, lideri turk po i referohej tërmetit të Erzincanit, i cili mori jetën e rreth 33,000 njerëzve 84 vjet më parë. Tërmeti i Izmitit i vitit 1999, me magnitudë 7.6, besohet të ketë vrarë më shumë se 17,000 njerëz.
