Rektori i ri i universitetit të Shkodrës Adem Bekteshi, pas dekretimit nga presidenti i Republikës ka nisur zyrtarisht punën.
Në fjalën e tij rektori Bekteshi deklaroi se universiteti “Luigj Gurakuqi” është i gatshëm për të përballuar sfidat dhe ndryshimet në ligj. Rektori Bekteshi ka bërë edhe emërimin e 6 dekanëve në fakultetet përkatëse dhe ka emëruar drejtorin e institutit të studimeve albanologjike. Rektori Adem Bekteshi fitoi garën përballë Arjeta Troshanit dhe pas ankimimeve dhe vendimit të gjykatës administrative, Bekteshi nis zyrtarisht punën në drejtim të universitetit të Shkodrës.
