Në bibliotekën shkencore të universitetit “Luigj Gurakuqi” u organizua aktiviteti “Letërsia, mes profesionit dhe pasionit”. Të ftuar në këtë aktivitet të organizuar në kuadër të ditës së librit ishin pedagogët e departamentit të Letërsisë, për të prezantuar jo vetëm profilin si profesionistë të fushës, por edhe krijues të letërsisë. Drejtorja e bibliotekës Alketa Bekteshi, tregon arsyet e përzgejdhjes së departamentit të letërsisë për këtë event.
Ky aktivitet ishte I konceptuar në një formë ndryshe ku studentët intepretuan pjesë nga krijimtaria e pedagogëve Arben Prendi, Alfred Çapaliku dhe Ridvan Dibra.
Për shkrimtarin Alfred Çapaliku, projeksioni I kohës si rastësi mbetet një frymëzim tepër I vlefshëm, siç tregon edhe vetë poeti, koha dhe rastësia janë frymëzim për të.
Për shkrimtarin Ridvan Dibra, zhveshja e botës së brendshme të individit që në këndvështrimin e tij është shumë I ngjashëm me tjetrin në çdo vend të botës mbetet një frymëzim I realizuar në veprën e tij.
Për drejtorin e departamentit të letërsisë, aktiviteti I sotëm përveçse përcjell vlera kulturore, prezanton edhe pedagogët në një dimension tjetër, atë të shkrimtarit.
