Vllaznia ka arritur që të fitojë ndeshjen miqësore të radhës ndaj Otrantës të ulqinit në Malin e Zi.
Gocaj shënoi golin e parë në pjesën e parë ndërsa Manuka golin e dytë në 45 minutat e dyta. Pas ndeshjes trajneri Armando Cungu u shpreh i kënaqur me lojën e ekipit. Cungu foli edhe për lojtarët në provë. Nota pozitive mori i riu Hebaj ndërsa malazezi Kallaçeviç nuk la shenjë. Cungu tha se për momentin portieri i ri Alen Sherri është larguar drejt Italisë në një formë huazimi me një ekip atje. Sa i përket merkatos tekniku i Vllaznisë vazhdon që të ketë kritika duke qenë se ende nuk ka lojtar cilësor ndërsa tha se kërkohet një mesfushorë qendre dhe një sulmues.
