
Kur arbitri vuri bilbilin në gojë për të fërshëllyer përfundimin e ndeshjes të shtunën në orën 13:06, gëzimi ishte i madh.
Fërshëllima i dha fund ndeshjes, e cila kishte zgjatur për 111 ore duke u bërë ndeshja më e gjatë në histori. Amatorët e FC Hamburger berg dhe VfL Wallhalben kanë thyer rekordin e ekipit skocez The Craig Gowans Memorial Fund me 105 ore. Tashmë rekordi, pasi të kontrollohen pamjet filmike, do të përfshihet në librin e rekordeve “Guinness”. Lodhja ishte e madhe, dikush është dorëzuar sepse i duhej të ikte në punë, dikush tjetër nga lodhja e tepërt. Angazhimi i pjesëmarrësve ishte tepër i madh. Arbitri i ndeshjes ishte një 59 vjeçar, atlet, i cili kreu 44 km për 18 orë. 36 lojtarët e dy ekipeve nuk duhet të largoheshin nga fusha deri në fund të takimit. Sipas rregullores, të paktën shtatë lojtarë nga çdo ekip duhet të luanin futboll.


