Ka histori mijëra vjeçare e kulturë për të prezantuar por nuk ka asnjë muze. Ky paradoks shoqëron njësinë administrative Ana e malit.
Objekte të shekullit të tretë para Krishtit qëndrojnë prej vitesh të mbyllura në një magazinë por askush nuk ka interes për to.
Vizitorë e turistë kanë ineteres kryesor e më pas largohen në pamundësi për të marrë më shumë nga kjo zonë me tradita historike e vlera kulturore.
Kryetari i Shoqatës Patriotike Kulturore Ana e Malit Ruzhdi Pode apelon ndaj të gjithë institucioneve përgjegjëse që të marrin masa sepse këto objekte dita-ditës rrezikojnë të degradohen për shkak se kërkojnë një vend të veçantë për ruajtjen e tyre
Shoqata patriotike-kulturore Ana e Malit është e vetmja e cila kujdeset me fanatizëm për këto objekte mirëpo ministria e kulturës nuk ka shfaqur interes që të interesohet për këtë zonë
Është për tu theksuar se shumë turistë që hyjnë përmes Muriqanit apo anasjelltas mahniten nga bukuria që i ka falur natyra kësaj zone, mirëpo kur mësojnë që ska muze i befason dhe i largon ata menjëherë Në pritje të muzeut, Ana e Malit do të mungojë në prezantimin e vet para vizitoreve.
