Kur ka kaluar një javë prej stuhisë që mbërtheu orët e para të 26 shtatorit qytetin e Shkodrës, duket se institucionet përgjegjëse e kanë ndalur punën vetëm me pastrimin e pemëve e thyera dekorative të cilat për disa orë bllokuan qarkullimin.
Tashmë, ajo çfarë ka mbetur në unazën perëndimore janë trotuaret e bllokuara nga pllakat të cilat janë hedhur në mënyrë të çrregullt pas aksionit të pastrimit. Janë vetë banorët ato të cilët tregojnë se pllakat I kanë vendosur në oborret e tyre deri kur punonjësit e bashkisë të fillojnë punën për shtrimin e trotuarit.
Sipas tyre, ndërhyrja duhej të kishte qenë e menjëhershme pasi në disa pjesë tashmë trotuaret janë bërë të pakalueshme.
Stuhia në orët e para të së shtunës së 26 shtatorit bëri që shumë pemë dekorative shumëvjeçare të shkëputen nga toka si shkak I erës së fortë. Por, pavarësisht pastrimit të trupave të pemëve, akoma pas një jave, trotuaret duken sikur ngjarja të kishte ndodhur një natë më parë