Vllaznia e basketbollit për meshkuj e ka nisur me fitore sezonin e ri, duke triumfuar me rezultatin 97-80 ndaj Elbasanit. Kuqeblutë zhvilluan një ndeshje pozitive në duelin e parë të këtij kampionati, duke treguar epërsi në lojë dhe si rrjedhojë, e mbyllën takimin me 17-pikë diferencë. Në prononcimin e tij pas ndeshjes, trajneri Eni Llazani vlerësoi paraqitjen e skuadrës së tij, teksa u ndal te rëndësia e fitores së parë.
Objektivat që Vllaznia synon të realizojë gjatë këtij sezoni janë që minimalisht të jetë pjesëmarrëse në fazën “Final Four”.
