Në një video prej 9 minuta, e postuar në rrjetin YouTube, grupi ekstremist ISIS bën thirrje që militantët të ndërmarrin sulme në Rusi.
Në video shihet një person i maskuar duke e drejtuar një makinë në shkretëtirë, i cili duke tundur gishtin thotë: “Dëgjo Putin, ne do të vijmë në Rusi dhe do të ju vrasim juve në shtëpitë e juaja”. Ky postim u bë në periudhën kur Rusia dhe Shtetet e Bashkuara po bisedojnë për shtimin e bashkëpunimit ushtarak dhe të inteligjencës kundër militantëve të Shtetit Islamik dhe al-Kaidës.
