Shkolla e mesme pyjore “Kolë Margjini” ka zhvilluar ditën e dyerve të hapura për nxënësit e klasave të nënta. Drejtorja e kësaj shkolle, Albana Lleshaj tregon se vitet e fundit ka patur një rritje të numrit të nxënësve të cilët kanë zgjedhur shkollën pyjore, duke qenë më afër tregut të punës.
Ndërkohë, nxënësit në këtë shkollë punësohen në biznese të ndryshme ende pa mbaruar studimet
Shkolla e mesme “Kolë Margjini” ofron dy drejtime studimi, atë të pyjeve dhe përpunimin e drurit. Nxënësit të cilët regjistrohen në drejtimin e pyjeve automatikisht fitojnë edhe një bursë studimi prej 70 mijë lekësh të vjetra.
