Festa është e dibranëve. Korabi është në Superligë. Skuadra e Peshkopisë fitoi 1-0 ndeshjen e luajtur në transfertë ndaj Adës duke iu gëzuar kështu këtij suksesi historik për ta.
Edhe pse luanin ndaj ekipit të vendit të fundit, Ada rivalizoi deri në sekondën e fundit duke mbajtur jo pak në ankth Korabin. Goli i fitores është shënuar nga Bishaj në minutën e 59’ duke vulosur fitoren dhe daljen në Superligë. Trajneri Mehmeti e quan thuajse të paimagjinueshëm këtë sukses. Me qindra tifozë të Korabit të ardhur në Shkodër kanë festuar për orë të tëra këtë sukses të skuadrës së tyre, daljen në Superligë.