23 emigrantë të paligjshëm janë ndaluar në Kapshticë në ditën e dytë të vendosjes së Forcave te FRONTEX në kufirin e Gjelbër mes Shqipërisë e Greqisë.
Emigrantët janë kapur nga forcat e Frontex në bashkëpunimin me Policinë Shqiptare që janë vendosur në kufi.
Klandestinët vinin nga Siria e Irani dhe mes tyre janë edhe tre fëmijë.
Emigrantëve u janë marrë deklarimet dhe do të transportohen drejt qendrës së Azilkërkuesve.
50 forca të Frontex janë vendosur në kufijtë shqiptare në kuadër të një misioni për të ndaluar valën e emigracionit dhe veprimtarive të tjera të paligjshme.
