Një gjykatë në Turqi ka dënuar me burg 13 gazetarë me akuzën e “terrorizmit”, rast ky që ka shkaktuar zemërim global ndaj lirisë së shtypit, shkruan BBC.
Gazetarët punonin për gazetën opozitare në vend “Cumhuriyet”, e cila ka mbajtur një linjë të fortë kundër qeverisë Turke.
Tre nga gazetarët në gjyq u liruan, ndërsa ata që u dënuan do të qëndrojnë të lirë deri në seancën e apelit.
Gazetarët u arrestuan pas grushtit të shtetit të dështuar që u zhvillua në Korrik të 2016-s.
Autoritetet turke akuzuan stafin e gazetës Cumhuriyet për mbështetje të grupeve terroriste, përfshirë edhe Partinë e Punëtorëve Kurdë, Partinë Liberale të Popullit dhe klerikun Fetullah Gulen, të cilin Ankaraja e akuzon si organizator të grushtit të shtetit.
Gulen po jeton i mërguar në Amerikë, ku autoritetet refuzojnë ta kthejnë në Turqi.
Më shumë se 50,000 vetë u arrestuan dhe 150.000 të tjerë u pushuan nga puna në muajt që pasuan grushtin e shtetit, përfshirë këtu gazetarë, policë, ushtarakë, mësues dhe punonjës civilë.
