Nëntë persona humbën jetën nga rrëzimi i një avioni të vogël sportiv pranë Umea, një qytet i vogël në veri të Suedisë, thanë autoritetet të dielën.
Avioni i vogël i projektuar për të transportuar parashutistët u rrëzua në një ishull në lumin Ume menjëherë pas ngritjes, tha zëdhënësi i policisë, Peder Jonsson, duke shtuar se shkaku i aksidentit ishte i panjohur.
Ai tha se personat në bord ishin parashutistë. Ata ishin nisur në një udhëtim për të bërë ‘skydiving’, sporti ekstrem i rënies së lirë ku sportistët hidhen nga aeroplani dhe më pas hapin parashutat.
Spitali Universitar i Umeas konfirmoi se nuk kishte të mbijetuar dhe të afërmit e të ndjerëve ishin njoftuar.
Viktimat janë banorë të Västerbotten dhe Norrbotten, të gjithë shtetas suedez.
