Qëndra e Formimit Profesional në qytetin e Shkodrës ka shënuar një sukses jo vetëm për numrin e lartë të kursantëve gjithnjë e në rritje, por sidomos në shumëllojshmërinë e zanateve që ofron kjo qëndër.
Paralelisht është duke u punuar edhe për sigurimin e tregut të punës për këta të rinj që kryejnë një kurs profesional.Interesi te djemtë është më i lartë në kurset si saldator,hidraulik, elektroshtëpiake apo panele diellore.Këtë e bën të ditur për Star Plus Përgjegjësja e Qëndrës së Formimit Profesional Irma Lohja. Përgjegjësja Lohja thotë se kërkesat e punëkërkuesve janë në rritje dhe për këtë shumë shpejt do të mundësohet hapja e disa degëve të reja Të rinjtë e shohin ndjekjen e këtij kursi si trampolin për në tregun e punës , pasi pranojnë se aktualisht vështirësitë për të depërtuar në këtë treg janë të shumta.Ofrimi i kurseve pa pagesë ka bërë që pranë zyrave të tyre të regjistrohen një numër i lartë punëkërkuesish të papunë dhe pritet që në vazhdimësi të ketë akoma rritje pasi edhe certifikatat që lëshohen njihen jo vetëm në Shqipëri por edhe më gjërë.
