Pakësimi gjithnjë e më shumë i besimtarëve që nuk festojnë si më parë festat ka shqetësuar ish rektorin e kongregatës saleziane Pascual Chavez Vilanueva i cili erdhi në Shkodër nga Roma ku shërben aktualisht për të kremtuar meshën e shenjtë të festës Zoja Ndihmëtare në kishën “Shën Gjon Bosko” në Shkodër. Ish drejtuesi i priftave salezian që përbëjnë Don Boskon, Vilanueva u shpreh se fajtore për emigrimin masiv të qytetarëve shqiptar është politika.
Shqiptarët kanë nevojë që t’i krijohen kushtet kryesore si vende pune apo shkollimi i duhur në mënyrë që të ndalet emigrimi shtoi më tej don Vilanueva.
Në kuadër të festës së Zojës Ndihmëtare kisha Saleziane “Shën Gjon Bosko” e Shkodrës kremtoi procesion në rrugët e qytetit. Me lutje dhe këngë besimtarët kanë përshkruar rrugët kryesore duke dhënë mesazhet e kësaj feste për kalimtarët e rastësishëm.
Prej ditësh në kishën “Shën Gjon Bosko” janë zhvilluar dhe një sërë aktivitetesh të tjera në kuadër të festës së Zojës Ndihmëtare.
