Ish-sekretari amerikan i Shtetit, John Kerry do të rikthehet në Shtëpinë e Bardhë me një tjetër rol të rëndësishëm.

Ai tashmë nuk do të bëjë detyrën që e kreu në 4 vitet e fundit të Presidencës së Barack Obama, por do të ngarkohet me një detyrë të posaçme nga Presidenti i ri Joe Biden.

John Kerry do të jetë i dërguari i posaçëm për klimën i Biden, sapo ky i fundit të betohet si Presidenti i 46-të i SHBA.

Ishte pikërisht Kerry ai që nënshkroi në 2016 si Sekretar i Shtetit marrëveshjen për klimën në Paris, në emër të SHBA, prej të cilës Trump u tërhoq, por Biden ka premtuar se do të rikthehet.