Një aksident i rëndë hekurudhor ndodhi mëngjesin e sotëm në Itali.
Një tren i shpejtësisë së lartë që lidh Milano-Salerno doli nga shinat në afërsi të Lodit, në territorin e Casal Putserlengo.
Për momentin flitet për 2 persona të vdekur e 28 të lënduar.
Viktimat janë 2 makinistët e trenit e shumica e të lënduarve kanë plagë të lehta e jashtë rrezikut për jetën.
Ngjarja ndodhi rreth orës 5.30 të mëngjesit të sotëm.
Dy vagonat e parë të trenit dolën nga shinat e ende nuk dihen motivet e këtij aksidenti. Skuadrat e ndihmës së shpejtë e të zjarrëfikësve ndodhen në vendngjarje.
