20-30 cm është trashësia e borës së rënë gjatë orëve të fundit në njësinë administrative Kelmend të Malësisë së Madhe.
Kreu i njësisë administrative Adriatik Çekaj, gjatë një bisede telefonike per Star Plus bëri me dije se po vijon normalisht puna për pastrimin e të gjitha akseve në këtë njësi. Dy borëpastruese kane ndërhyrë në fshatrat Selcë, Gropat e Selcës, Lëpushë dhe Vermosh, aty ku edhe reshjet e dëborës kanë qenë të mëdha. Aktualisht, bëhet me dije se te gjitha rruget jane te kalueshme nga te gjitha automjetet.
