Sezoni i shkollave ka nisur dhe fëmijët e komunitetit rom dhe egjiptian nuk janë paisur ende me libra , pasi nuk kanë kushte ekonomike .
Prindërit e këtyre fëmijëve janë mjaft të shqetësuar nga kjo situatë , pasi fëmijët e tyre nuk po arrijnë të shkollohen , për shkak të mundësive ekonomike . Nga ana tjetër, fëmijët janë të regjistruar në shkollë , por nuk e frekuentojnë atë , për arsye se preferojnë të lypin rrugëve që të fitojnë bukën e ditës. Banorët e komunitetit rom dhe egjiptian pohojnë se ndihen të diskriminuar nga të gjithë institucionet dhe problemet e tyre s’kanë të sosur .
