Ministri i Punëve të Brendshme Sandër Lleshaj bëri të ditur se një efekt policie mbeti i dëmtuar nga përdorimi i mjeteve shpërthyese nga militantët në protestën e opozitës joparlamentare.
“Një oficer policie është dëmtuar nga mjetet e ndaluara shpërthyese që hodhën protestuesit”, shkruan Llleshaj në rrjetet sociale.
Ministri Lleshaj i drejtohet edhe drejtuesve të opozitës, ku hedh akuza se janë financime të qëllimshme për të blerë mjete të ndaluara pirroteknike për të goditur forcat e rendit.
“Drejtuesit e protestave duket se kanë financa të mëdha për të blerë mjete shpërthyese të ndaluara, por edhe vullnet të plotë për të goditur forcat e rendit”, shkruan Lleshaj.
