Ministri i Brendshëm Sandër Lleshaj nga Shkodra pranoi se ky qytet ka marrë një goditje të fortë nga krimi por sipas tij strukturat e shtetit do të jenë të angazhuara për të ofruar sigurinë maksimale për qytetarët.
Kryetarja e bashkisë Shkodër Voltana Ademi gjatë këtij takimi shprehu shqetësimin e saj për situatën kriminale në Shkodër dhe tha se qytetarët pas vrasjeve të ndodhura në seri ndjehen të frikësuar.
Edhe më përpara kryetarja e bashkisë Shkodër Voltana Ademi ka kërkuar më shumë përgjegjësi nga strukturat shtetërore për të ndalur ngjarjet kriminale në këtë qytet.