Një nga të pandehurit e arrestuar në Durrës për abuzime me ndërtime është ndjerë keq në sallën e gjyqit dhe për këtë është dashur ndërhyrja e bluzave të spitalit të Durrësit.
Bëhet fjalë për Agim Osmanin, specialist/SPZ, në Komisariatin e Policisë Durrës. Bluzat e bardha i kanë dhënë ndihmën e parë.
Edhe në procesin për dhënien e masës së sigurisë për 9 të arrestuarit në kuadër të hetimeve që po bëhen për tërmetin e 26 nëntorit, një familjar i të ndaluarve humbi ndjenjat.
Ditën e sotme pritet të jepet nga Gjykata e Durrësit masa e sigurisë për 17 të arrestuarit në kuadër të operacionit “Abuzuesit”.
Të arrestuarit janë dërguar në gjykata nën masa të rrepta sigurie dhe në orët në vijim pritet të mësohet nëse të gjithë të arrestuarit do të lihen në burg apo do t’u jepet një masë më e lehtë.
3 ditë më parë, Drejtoria Rajonale e Shërbimit për Çështjet e Brendshme dhe Ankesat (SHÇBA) Durrës, në bashkëpunim e nën drejtimin e Prokurorisë së Rrethit Gjyqësor Durrës, arrestoi një sërë zyrtarësh policorë, inspektorë vendor, përfaqësues të pushtetit lokal e ndërtues, të akuzuar për veprën penale “Shpërdorim detyre”, që është shtrirë përgjatë vitit 2019 në vende dhe kohë të ndryshme.
Subjektet e këtij procedimi penal, kryenin funksione publike në Policinë e Shtetit, nëpunës të Njësive Administrative, IKMT-ve dhe INUV-it në Durrës, Shijak dhe Manzë.
EMRAT E TE ARRESTUARVE
Besnik Domi, Shef i Rendit në Shijak
Sami Xhafa, Shefi i Stacionit të Policisë në Manzë
Ermal Petova, specialist për Hetimin e Krimeve/OPGJ, në Manzë
Nikollë Marku, specialist për Hetimin e Krimeve/OPGJ, në Manzë
Agim Osmani, specialist/SPZ, në Komisariatin e Policisë Durrës
Gani Dama, Polic patrulle (në kërkim) në Komisariatin e Policisë Durrës
Haxhi Sherra, Ndihmës specialist i komisariatit Shijak
Petrit Neziri, Ndihmës Specialist Policia, Manzë
Ndriçim Shika, Ndihmës Specialist, Policia, Shijak
Gjergji Gerco, Sekretar i Njësisë Administrative, Sukth.
Jul Kacadej, Specialist në IMT, Shijak
Marjus Shahini, Kryeinspektor IMT, Shijak
Adem Lika, Ndërtues.
