Paraditen e sotme fshati i Bubqit u vizitua nga lojtarët veteran të kombëtares shqiptare, italiane, greke dhe turke për një qëllim të vetëm, të jenë pranë qytetarëve të prekur nga tërmeti i 26 nëntorit.
Yjet e futbollit të cilët do të luajnë në stadiumin kombëtar në orën 18:00 ndeshjen solidarizuese kërkuan që të shikojnë nga afër pasojat e tërmetit shkatërrimtar të dy muajve më parë.
Të shumtë ishin emrat pjesë të kësaj vizite në Bubq e që po ashtu do të jenë protagonist në fushën e blertë.