Besimtarët musliman në mbarë botën festojnë festën e shenjtë të Kurban Bajramit. Sheshi kryesor në Shkodër përpara xhamisë “Ebu Beker” u mbush me besimtarë në faljen e namazit të Kurban Bajramit.
Përgjegjësi i Myftinisë Shkodër, Arben Halluni deklaroi në këtë festë të rëndësishme për muslimanët se adhurimi për Zotin është mbi gjithçka ndërsa përcolli mesazhe për mbrojtjen e familjes dhe shoqërisë.
Ndërkohë një mesazh Halluni dha edhe për klasën politike dhe ata që drejtojnë Shqipërinë.
Falja e namazit të Kurban Bajramit në Shkodër u udhëhoq nga përgjegjësi Arben Halluni për shkak se Myftiu i Shkodrës imam Muhamed Sytari ndodhet në Arabinë Saudite bashkë me 110 haxhilerët e tjerë nga Shkodra.
