Kryetari i PD, Basha ndodhet në një vizitë në Gjermani, ndërsa mëngjesin e sotëm para nisjes se seancës të posaçme dëgjimore nga Komisioni i Politikës së Jashtme dhe ai
Çështjeve Europiane të Bundestagut shprehet në Facebook se detyra më e vështirë është të bindim këtë komision për zgjerimin.
Ai thotë se Shqipëria ka probleme me krimin dhe korrupsionin, por këto probleme mund të luftohen më efektivisht me hapjen e negociatave.
Jemi në sallën e seancës së veçantë dëgjimore të mbledhjes së përbashkët të anëtarëve të komisionit për Çeshtjet Europiane, në një seancë dëgjimore.
Këtu është edhe një nga audiencat më kritike për zgjerimin në tërësi dhe për Shqipërinë në veçanti. Edhe për pak minuta do të nisë seanca dëgjimore ku shqetësimet kryesore të grupit CDU-CSU në këtë komision kanë të bëjnë me luftën kundër drogës, me luftën kundër korrupsionit.
Kanë të bëjnë me reformën në drejtësi dhe qëndrimi është skeptik sa i përket hapjes së negociatave.
Kështu që detyra më e vështirë është të bindim këtë komision sot që nga njëra anë, problemet reale në Shqipëri që ekzistojnë dhe për të cilat ata kanë raportimet e tyre objektive dhe konkrete edhe nga agjencitë e ligjzbatimit dhe nga burime të tjera gjermane dhe europiane.
Por që nga ana tjetër këto problem mund të luftohen më efektivisht me hapjen e negociatave dhe jo me mos hapjen e tyre dhe që opozita është e bashkuar në thirrjen e saj për të kërkuar hapjen e negociatave edhe si një mjet shtesë presioni dhe monitorimi për të intensifikuar luftën kundër krimit të organizuar dhe korrupsionit.
Për të mundësuar zbatimin e vërtetë të Reformës në Drejtësi, një drejtësi të pakapur politikisht.
Me gjyqtarë dhe prokurorë të pakorruptuar që nuk mbrojnë por ndëshkojnë krimin e organizuar dhe korrupsionin, por edhe për çeshtje të tjera siç është reforma e Administratës Publike dhe Reforma Zgjedhore.
Kjo është detyra që kemi sot dhe do të thoja pjesa më e vështirë e misionit këtu në Berlin për të bindur anëtarët e këtij komisioni që i përkasin spektrit më skeptik për hapjen e negociatave
Sot publikohet zyrtarisht raporti i KE për Shqipërinë, ndërsa Report Tv zbuloi dje raportin e plotë, që vendos rekomandimin për hapjen e negociatave.
