Operacioni nga efektivat e Komisariatit të Policisë Shkodër dhe Sektorit Kundër Narkotikëve! Sekuestrohen drogë, armë e municion luftarak.Sekuestrohen gjithësej 37 kilogramë lëndë narkotike Canabis Sattiva, 1 (një) armë zjarri automatike kallashnikov dhe 30 fishekë.

 

 

 

Arrestohen në flagrancë tre shtetas.

Në vijim të punës për goditjen e trafikut të lëndëve narkotike si dhe të armëmbajtjes pa leje, Efektivat e Komisariatit të Policisë Shkodër në bashkëpunim me Sektorin Kundër Narkotikëve në bazë të informacioneve të marra në rrugë operative, gjatë ditës së sotme kanë  finalizuar operacionin «Nënmavriq» me sukses, ku rezultoi se:

 

Gjatë kontrollit në banesën private të dy vëllezërve Koçeku,  u gjetën 4 (katër) thasë me lënde narkotike të llojit Canabis Sattiva, e cila pas peshimit nga ana e specialistëve rezultoi 32 (tridhjetë e dy) kilogramë Canabis Sativa.

 

Gjithashtu në vijim të kontrollit në banesë iu gjet dhe 1(një) armë zjarri automatike me krehër me fisheke 30 (tridhjetë).

 

Ne vijim të operacionit,  gjatë kontrollit dhe në banesën e shtetasit Pjeter Koçeku (kushëriri i vëllezërve Koçeku), u gjet  një çantë me lëndë narkotike e llojit Canabis Sattiva, e cila rezultoi me peshë   5 kilogramë.

 

Në përfundim të veprimeve hetimore u bë arrestimi në flagrancë i shtetasëve:

-Mirash Koçeku , 29 vjeç, banues në  fshatin Nenmavriq, Shale, Shkodër.

-Gjon Koçeku, 23 vjeç, banues në  fshatin Nenmavriq, Shale, Shkodër.

-Pjetër Koçeku, 31 vjeç, banues në  fshatin Nenmavriq, Shale, Shkodër. (kushëriri i dy vëllezërëve)

 

Në cilësinë e provës materiale u sekuestruan :

-Gjithsej 37 kilogram lëndë narkotike Canabis Sattiva.

-1 (një) armë zjarri automatike

-1 krëhër  me 30 (tridhjetë) fisheke

Materialet i  kaluan Prokurorisë së Rrethit Gjyqësor Shkoder, në ngarkim të shtetasve Mirash dhe Gjon Koçeku, neni 283/2 e 278/3 i Kodit Penal, ndërsa për shtetasin Pjeter Koçeku, neni 283 i Kodit Penal.