Christian Panucci është edhe zyrtarisht trajner i Kombëtares shqiptare të futbollit.
Tekniku italian dhe Presidenti i FSHF-së, Armand Duka firmosën kontratat në konferencën e shtypit të thërritur në orën 11:00. Presidenti Duka shprehu bindjen se Panucci është emri i duhur, megjithëse përvojën e tij në trajnim e quajti modeste. Trajneri i ri Kombëtares u shpreh i nderuar duke thene se nuk e pati të vështirë t’i thoshte po Shqipërisë dhe konfirmoi se objektivi është kualifikimi në Euro 2020 dhe këtij objektivi do t’i shërbejnë edhe katër ndeshjet e mbetura të eleminatoreve të Botërorit. Pas shumë negociatave, Panucci arriti në një marrëveshje me drejtuesit e FSHF-së për të marrë drejtimin e kuqezinjve.Karriera e tij si trajner nuk është në të njëjtin nivel si ajo e futbollistit të madh të aktivizuar me disa nga klubet më të njohura në Europë, si Milan, Roma, Real Madrid, Chelsea apo Inter.
