Përfundon takimi në drejtorinë vendore të policisë së Shkodrës ku i pranishëm ishte drejtori i përgjithshëm i policisë Ardi Veliu lidhur me ngjarjen e rëndë të ndodhur në fshatin Vrith të Malësisë së Madhe.
Drejtori Veliu ka qëndruar për mbi një orë në këtë takim me drejtorin e policisë së Shkodrës, Niko Brahimaj dhe drejtuesin e lartë Tonin Vocaj.
Mësohet se drejtori Veliu është njohur në detaje me ngjarjen ndërsa ka kërkuar nga të gjitha strukturat policore të Shkodrës një angazhim maksimal për gjetjen e trupave të pajetë dhe zbardhjen e plotë të ngjarjes së rëndë.