Plagos aksidentalisht nusen e xhaxhait dhe më pas vret veten.
Një ngjarje e rëndë ka ndodhur mbrëmjen e djeshme në Tropojë, ku është raportuar një vetëvrasje dhe një plagosje në kushte aksidentale. Policia njofton se në fshatin Kovaçe, Tropojë, në banesë është vetëvrarë me armë zjarri automatik, shtetasi K.H., 40 vjeç, banues në fshatin Kovaçe, Tropojë, si dhe është plagosur aksidentalisht 54-vjeçarja me inicialet H. H., nusja e xhaxhait të viktimës, e cila dyshohet se ka tentuar për t’i marrë armën viktimës, për të ndaluar vetëvrasjen. H. H., është dërguar në spitalin e Traumës në Tiranë, ku ndodhet jashtë rrezikut për jetën. Nga hetimet paraprake dyshohet se viktima e ka kryer këtë akt në gjendje depresive. Në vendin e ngjarjes janë gjetur dhe sekuestruar, 1 armë zjarri automatik, 1 një krehër me 11 copë fishek, një granat dore të cilën e kishte në xhep të xhupit, viktima. Materialet i kaluan për veprime të mëtejshme Prokurorisë Pranë Gjykatës së Shkallës së Parë Tropojë, për veprat penale “Shkaktimi i vetëvrasjes” dhe “Prodhimi dhe mbajtja pa leje të armëve luftarake e municionit”.
