Policia Rrugore në të gjithë vendin vijon punën për rritjen e parametrave të sigurisë, duke evidentuar dhe ndëshkuar shkelësit e Kodit Rrugor.
Në këtë kuadër gjatë 24 orëve të fundit janë arrestuar 8 drejtues mjetesh për drejtim mjeti pa leje drejtimi dhe në gjendje të dehur. Janë pezulluar 45 leje drejtimi. Nga këto 17 për drejtim mjeti nën efektin e alkoolit dhe 28 për shpejtësi tej normave të lejuara. Janë ndëshkuar me masë administrative për OASH 64 drejtues mjetesh. Janë bllokuar 21 mjete për mungesë dokumentacioni si dhe për moslikujdim të gjobave. Janë vendosur 765 masa administrative për shkelje të ndryshme të Kodit Rrugor.
