Nuk kishin marrë pagat prej gati tre vitesh por tashmë kjo problematikë është zgjidhur dhe këto paga do të merren nga punonjësit e ish-fabrikës së duhanit në Shkodër. Lajmin e ka bërë të ditur kryetari i Bashkimit të Sindikatave të Pavarura për Qarkun e Shkodrës, Albert Tuka I cili thotë se punëtorët kanë marrë pagat e prapambetura.Ai ka një thirrje për institucionet që të zbatojnë kontratën e punës.
Ndërmarrja e duhan cigares në Shkodër me një sipërfaqe prej 5.2 ha, me 25 kapanone sot e braktisur është në vartësi të Drejtorisë së Pronave publike në Ministrinë e Financave .
