Rreth 1500 familje në afërsi të Dobraçit të Ri vuajnë mungesën totale të infrastrukturës rrugore dhe kanalizimeve.
Banorët përgjatë 2 kilometrave që lidhin fshatin me aksin nacional Shkodër – Han i Hotit shprehen të habitur për një neglizhencë të tillë, ndërsa bëjnë thirrje për ndërhyrje… Ky aks rrugor lidh këtë fshat me bypass-in e qytetit dhe liqenin e Shkodrës, por lëvizja në të është mjaft e vështirë si pasojë e mungesave të theksuara. Gjatë dimrit, kjo rrugë periferike mbulohet nga gropat me ujë, gjë e cila penalizon së tepërmi lëvizjen e fëmijëve të shkollave.
