Sezoni turistik dhe kthimi i emigrantëve ka rënduar trafikun ne rrugët që përshkojnë qytetin e Shkodres.
Vështirësite më të shumta jane në aksin rrugor drejt Velipojes tek Harku i Bërdicës, në hyrjen për në qytetin e Shkodres pranë urës së Bunës, dhe sigurisht edhe në brendësi të këtij qyteti. Ora 10 e paradites dhe 18 e pasdites janë piku i këtij trafiku që është më shumë i ndjeshëm gjatë fundjaves. Lëvizja në rrugët kryesore të qytetit përballet me një trafik tejet të rënduar gjate ketyre orareve, ku vargu i makinave arrin në disa kilometra. Krahas numrit të lartë të automjeteve, shkak per këtë rendim te trafikut janë edhe mungesa e rrugëve alternative kryesisht ne hyrje- daljet drejt qytetit, si dhe për shkak të punimeve që kanë mbetur përgjysmë në disa prej akseve kryesore në qytetin e Shkodres. Duke mos mjaftuar këto elemente, mos respektimi i sinjalistikës rrugore dhe kundravajtjet e shumta sjellin një rëndim të metejshëm të situatës, ndërsa policia rrugore e ka te pamundur per te disiplinuar lëvizjen në të gjitha segmentet problematike. Megjithëse ka patur shtim të patrullave dhe kontrolleve nga ana e policisë rrugore, sërish fenomeni i trafikut në Shkoder është përsëritur dhe mbetet një problem pa zgjidhje gjatë sezonit veror atëherë edhe kur numri i automjeteve disa- fishohet sipasojë e ardhjes së emigrantëve nga shtetet fqinje për të kaluar pushimet në vendin tonë.
