Sherr me thika në klasë, plagoset disa herë nxënësi

 

Një nxënës i një shkolle 9-vjeçare është plagosur mesditën e sotme në Durrës. Burime nga policia thanë se nxënësi është plagosur me thikë në krah e shpatull. Ka qenë një sherr mes disa nxënësve që ka degjeneruar në përdorimin e thikave. Nxënësi i klasës së 8-të është dërguar në spital ku ndodhet jashtë rrezikut për jetën. Një nxënës i shkollës 9-Vjeçare, ‘Bedrie Bebeziqi”, Durrës ka mbetur i plagosur me thikë pas një zënke. Ngjarja është shënuar paraditen e sotme jashtë ambienteve të shkollës, pas një sherri të nxënësit mes djem më të rritur se vetja, jo pjesë e shkollës “Bedrie Bebeziqi’. Dyshohet se autorët janë nxënës të shkollës 9- vjeçare Jusuf Puka, e cila ndodhet 50 m larg shkollës “Bedrije Bebeziqi”. I mituri i identifikuar si Alesio Sulejmani i ka marrë plagë në krah dhe në shpatull me mjet prerës, tip thike ndërsa mësohet se ndodhet jashtë rrezikut për jetën.