Këtë të hënë në ambientet e Qendrës Kulturore të Fëmijëve në Shkodër është zhvilluar Kampionati i Shahut. Ky aktivitet, edhe këtë vit ka përfshirë 32 shkollat 9 vjeçare në qarkun Shkodër,
ku secila shkollë përfaqësohet nga 3 kategori. Agim Trashani, përgjegjës i Sportit në Qendrën Kulturore të Fëmijëve thotë se këtë vit ka një rritje të numrit të shkollave pjesëmarrëse në këtë kampionat.
Trashani shton se loja e shahut është bërë shumë e dashur për fëmijët.
Ky aktivitet shtrihet gjatë tre ditëve, ndërkohë që ditën e enjte fillon kampionati i Ping-Pongut sërish më nxënësit e shkollave 9-vjeçare të qarkut Shkodër.
