Stina e verës nuk mund të mendohet pa rrugë të bllokuara dhe trafik të rënduar në qytetin e Shkodrës. Ndikim tjetër ka patur edhe festa e Kurban Bajramit ku qytetarët bëjnë përgatitjet e fundit. Trafiku I rënduar në Shkodër është prezent prej pothuaj 2 javësh, ku ka filluar edhe kthimi I emigranëtve në vendlindje e për pasojë rritet edhe fluksi I lëvizjeve me automjet në akset kryesore. Sigurisht, nuk mbeten pas as turistët të cilët vizitojnë kryeqendrën e veriut.
Edhe pse policia rrugore në kuadër të planit të masave që nis që me kontrollet e shumta në terren, shtimin e forcave të policisë apo edhe një vëmendje më të madhe në tërësi, ka qenë e pamundur për t’ia dalë për shkak të një numri shumëfish më të madh të mjeteve motorike.
Një ndikimin në bllokimin në rrugët kryesore të makinave apo edhe rëndimin e trafikut ka ka edhe parkimi I gabuar në rrugë apo parkimet dyshe. Një problematikë kjo e cila përsëritet shpesh në rrugët kryesore të qytetit. Akset me trafik më të rënduar këtë të hënë kanë qenë kryqëzimi I Ish degës së brendshme deri tek “Ish 5 heronjtë” po ashtu nga ky kryqëzim deri në fund të lagjeës “Rus”
Gjithsesi shoferët çdo herë duhet të respektojnë rregullat e qarkullimit rrugor sepse në të kundërt policia rrugore nuk do kursehet me masat administrative ndaj tyre pavarësisht se jemi në festë.