Bashkia Shkodër vijon dezinfektimin në të gjitha mjediset e hapura publike, rrugë, sheshe, parqe e trotuara të ndryshme por edhe zona të tjera ku densiteti i lëvizjes është i madh.
Në pedonalen “Kolë Idromeno” dezinfektimi është bërë nga reparti zjarrëfikës që tashmë është pjesë e grupit të punës për masat që ka marrë bashkia Shkodër. Përgjegjësi i zjarrëfikësve Ridvan Bushati tregon se janë dy mjete në terren bashkë me 6 efektivë që po bëjnë dezinfektimin.
Është dita e parë që zjarrëfikëset u përfshinë në procesin e dezinfektimit ndërsa do vijojnë çdo ditë.
Këto pjesë kryesore bën të ditur bashkia Shkodër në një njoftim të saj do të jenë çdo ditë në vëmendje për t’i dezinfektuar.
